Ekstraktet e Regjistrit të Qendrës Kombëtare të Regjistrimit
Qendra Kombëtare e Regjistrimit lëshon ekstrakte te subjekteve të regjistruara pasi të interesuarit paraqesin kërkesën pranë QKR-së. Formën e kësaj kërkese mund ta gjeni pranë cdo sporteli shërbimi të QKR-së ose tek faqja e internetit të QKR-se duke klikuar tek Kërkesë për lëshimin e ekstraktit për të dhënat e regjistruara/historikun e veprimeve të subjektit.
Kush mund të kërkojë lëshimin e ekstrakteve dhe cilat janë llojet e ekstrakteve:
1. Çdo person ka
të drejtë të kërkojë lëshimin e ekstrakteve për një pjesë apo të gjitha të
dhënat e regjistruara dhe kopje të vërtetuara të dokumenteve shoqëruese, të
depozituara në regjistër, pranë çdo sporteli shërbimi të QKR-së.
2. Ekstraktet mund të lëshohen për të dhëna
të caktuara të subjekteve dhe/ose për historikun e veprimeve të kryera nga një
subjekt.
3. Të dhënat për adresën e banimit të
individëve, sipas pikës 1 të nenit 66 të këtij ligji, janë të aksesueshme nga
çdo person i interesuar, vetëm në bazë të një kërkese, ku shënohet identiteti i
kërkuesit.
4. Ekstraktet dhe kopjet e
dokumenteve shoqëruese, të lëshuara nga QKR-ja, kanë vlerën e kopjeve të
vërtetuara të të dhënave të regjistruara apo të dokumenteve shoqëruese
përkatëse.
5. Ekstraktet dhe kopjet e akteve, të lëshuara në format elektronik, nëpërmjet aksesit on-line, në bazën e të dhënave të regjistrit, kanë vlerën ligjore, të përcaktuar në legjislacionin për dokumentet elektronike.
|
NJOFTIMI ME I
FUNDIT
Të nderuar biznesmenë,
Kërkojmë asistencën dhe bashkëpunimin
tuaj për të përditësuar të dhënat që ne disponojmë mbi regjistrimin e
biznesit tuaj dhe për të korrigjuar çdo gabim të mundshëm që mund të
zbuloni.
Që nga 1 Korriku 2008 bizneset mund
të kontrollojnë në formë elektronike dhe online dosjet e tyre historike,
përmes kësaj faqeje interneti. Do të keni mundësinë të shihni të skanuara
dokumentet e vendimeve të gjykatës që lidhen me aktivitetet e regjistrimit
të biznesit tuaj. Këto dokumente janë bashkangjitur me dokumentet e
regjistrimit që disponon zyra e tatimeve, për rrjedhojë, kur të
kontrolloni në faqen e internetit regjistrimin tuaj në QKR, do të keni
mundësinë të shihni të gjitha vendimet e gjykatës që i janë bashkangjitur
regjistrimit në zyrat tatimore. Mund të merrni të njëjtin informacion duke
kërkuar ekstraktin historik në një nga sportelet e shërbimit të QKR-së.
Procesi i skanimit dhe krahasimit
të këtyre dosjeve ka nxjerre në pah një sërë problemesh me të dhënat, gjë
që na bën të mendojmë se një pjesë e tyre nuk është e saktë. Në veçanti,
si rrjedhojë e ngjashmërive në emra dhe mungesës së një sistemi të
përbashkët numërimi ndërmjet gjykatës dhe organeve tatimore, disa nga
vendimet e gjykatës që i përkasin një subjekti mund t'i jenë bashkangjitur
një subjekti tjetër. Për këtë arsye, i kërkojmë të gjitha subjekteve të
biznesit që të kontrollojnë dosjet e tyre historike duke vizituar faqen e
internetit ose duke vizituar çdo sportel të QKR-së, me qëllim që të
përditësojnë dhe t'i sigurojnë QKR-së informacion të saktë. Nëse vëreni se
regjistrimit tuaj në QKR i janë bashkangjitur të dhënat e vendimeve të
gjykatës, që nuk i përkasin subjektit tuaj, ju lutemi të vizitoni një nga
sportelet e shërbimit të QKR-së dhe paraqisni një kërkesë për korrigjim.
Po kështu, nëse vini re se në regjistrimin e biznesit tuaj mungojnë një
ose më shumë regjistrime të vendimeve të gjykatës, mund të bëni një
kërkesë për bashkëngjitjen e këtyre të dhënave shtesë. Në këtë rast, ju
lutemi të mos harroni të paraqisni së bashku me kërkesën për korrigjim një
kopje të vendimit(-eve) të gjykatës që mungon.
Ju
faleminderit!
|
Për të gjetur
emrin e një subjekti kërkoni në kete bazë të dhënash më
poshte.
Duke
përdorur:
1-
emrin e subjektit;
2- ose per kërkim më të
avancuar (nëse nuk e mbani mend të saktë emrin e subjektit) shenjën e përqindjes
(%) dhe pastaj të emrit të subjektit që kërkoni;
3- ose shenjën tildë
(~) përpara emrit të subjektit për të kërkuar me analizë morfologjike (kërkim me
kombinim gërmash qe I përkasin emrit të subjektit).
Përditësimi i fundit Korrik,
2008